Bölgələrdə toxum mağazaları açılacaq
Kənd Təsərrüfatı Nazirliyinin tabeliyində Dövlət Toxum Fondu ölkənin regionlarında toxum mağazaları açacaq.
Bu barədə Dövlət Toxum Fondunun sədri Emin Əliyev məlumat verib.
Onun sözlərinə görə, yaxın günlərdə cənub zonasında, həmçinin Şəki və Zaqatalada toxum mağazaları açılacaq: “Bu mağazalarda yerli və xarici sertifikatlaşdırılmış toxumların satışı həyata keçiriləcək”.
Xatırladaq ki, Kənd Təsərrüfatı Nazirliyinin tabeliyində Dövlət Toxum Fondunun ilk mağazası Xaçmaz rayonunda açılıb.
