Ağstafada ata və oğlunu avtomobil vurub

Ağstafada piyadaların vurulması ilə nəticələnən yol qəzası baş verib.

“Qərb Xəbər” bildirir ki, hadisə Bakı-Qazax magistral yolunun rayon ərazisindən keçən hissədində qeydə alınıb.

Hərəkətdə olan avtomobil yolu qarşı tərəfə keçmək istəyən 1969-cu il təvəllüdlü Elbəy Məmmədov və onun oğlu 1992-ci il təvəllüdlü Nihat Məmmədovu vurub.

Hər iki piyada xəstəxanaya yerləşdirilib, vəziyyətlərinin kafi olduğu bildirilir.

Faktla bağlı araşdırma aparılır.