BMT Ukraynadan Avropaya gedən qaçqınların sayını açıqlayıb
İndiyədək Ukraynadan Avropaya 4 milyon 823 minə yaxın qaçqın gedib.
“Qərb Xəbər”“RBK Ukraina”ya istinadən xəbər verir ki, bu barədə BMT-nin Qaçqınlar üzrə Ali Komissarlığından bildirilib.
Qeyd olunub ki, qaçqınların əksəriyyəti Polşadadır. Orada 1 milyon 563 min qaçqın var. Qaçqın sayına görə Almaniya ikinci (881 min), Çexiya isə (485 min) üçüncü yerdədir.
Xatırladaq ki, Rusiya ilə Ukrayna arasında müharibə ötən il fevralın 24-də başlayıb.
