Gənclərin məşğulluğu və mövcud potensiallarının reallaşdırılmasının təmin edilməsi məqsədilə noyabrın 23-də Gənclər və İdman Nazirliyi və Dövlət Məşğulluq Agentliyinin birgə təşkilatçılığı ilə Tovuz rayon Gənclər evində “Region gənclərinin məşğulluq marafonu” keçiriləcək.
“Qərb Xəbər” Gənclər və İdman Nazirliyinin saytına istinadla xəbər verir ki, marafonda gənclərin məşğulluq prosesinə aktiv cəlb olunması, işə götürənlərlə gənclərin birbaşa ünsiyyət imkanının yaradılması və müasir dövrün tələblərinə cavab verən gənc kadrların potensialının gücləndirilməsi məqsədilə müxtəlif mövzulu təlimlərin keçirilməsi planlaşdırılıb.