Kərim Vəliyev ABŞ-nin hərbi attaşesi ilə görüşüb
Noyabrın 12-də müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyev Amerika Birləşmiş Ştatlarının Azərbaycandakı hərbi attaşesi polkovnik Kayl Metyu Koun ilə görüşüb.
“Qərb Xəbər” bildirir ki, bu barədə Müdafiə Nazirliyi məlumat yayıb.
Görüşdə hərbi, hərbi-texniki, hərbi-təhsil və digər sahələrdə əməkdaşlığın inkişaf perspektivləri, həmçinin qarşılıqlı maraq doğuran digər məsələlərə dair ətraflı fikir mübadiləsi aparılıb.
