Ağsuda “IKT-də Qızlar” layihəsinin açılış mərasimi olub
Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə VI qrant müsabiqəsi çərçivəsində qalib olan IKT-də Qızlar layihəsinin açılış mərasimi keçirilib.
“Qərb Xəbər” məlumat verir ki, açılış mərasimi Ağsu rayon Ərəbmehdibəy kənd tam orta məktəbində baş tutub. Açılış mərasimində layihə rəhbəri Xalidə İsazadə, Ağsu rayon İcra Hakimiyyəti əməkdaşları Atakişiyev Vüqar, Tacızadə Kənan və Məhərrəmova Zülfiyyə, Ərəbmehdibəy kənd icra nümayəndəsi Hacıağa Hüseynov və müavini Neman Mahmudov, Bələdiyyə nümayəndəsi Oqtay Qədirov, Ərəbmehdibəy kənd klub müdiri Rahib Gərayev və məktəb müəllimləri iştirak edib.
Tədbirdə çıxış edən layihə rəhbəri Xalidə İsazadə layihənin məqsədi haqqında ətraflı məlumat verb. Layihənin məqsədləri qızları informasiya kommunikasiya texnologiyaları haqqında məlumatlandırmaq, qızların İKT bacarıqlarını inkişaf etdirmək, qızların internetdən səmərəli istifadəsini öyrətmək, kənd qızlarının sosiallaşdırılması, aktivləşdirilməsi və cəmiyyətə inteqrasiyasını təmin etmək və qızlarda özünüdərk, özünəinam və şəxsi inkişaflarına nail olmaqdır.
Layihə 2021- ci ilin İyun ayından etibarən fəaliyyətə başlayıb.Daha sonra çıxış edən qonaqlar layihənin gedişatına uğurlar arzulayıb.
