Azərbaycanın Baş Qərargah rəisi Gürcüstana gedir
Azərbaycan Ordusunun Baş Qərargah rəisi, general-polkovnik Kərim Vəliyev bu gün Tbilisiyə səfər edəcək.
“Qərb Xəbər” “24News.ge”yə istinadən xəbər verir ki, Kərim Vəliyev səfər çərçivəsində Gürcüstan Müdafiə Nazirliyinin rəsmiləri ilə görüşlər keçirəcək.
Məlumata görə, səfər çərçivəsində Azərbaycan və Gürcüstan arasında müdafiə sahəsində əməkdaşlığın dərinləşdirilməsi istiqamətində müzakirələr aparılacaq.
