Ağstafada 38 yaşlı kişi naməlum şəraitdə ağır xəsarətlər alıb

Ağstafa rayonunda yerli sakin naməlum şəraitdə müxtəlif xəsarətlər alıb.

‘Qərb Xəbər’in məlumatına görə, 1984-cü il təvəllüdlü O.Aslanov boğaz, üz və qabırğa nahiyəsindən kəsilmiş-deşilmiş xəsarətlərlə xəstəxanaya çatdırılıb.

Onun vəziyyəti orta-ağır qiymətləndirilir.

Hadisənin hansı şəraitdə baş verdiyi hələ məlum deyil.

Faktla bağlı araşdırma aparılır.