Ermənilərlə görüşən Azərbaycan rəsmisi danışdı

Bazar ertəsi günü Azərbaycan Meliorasiya və Su Təsərrüfatı ASC-nin nümayəndələri Rusiya sülhməramlılarının müvəqqəti nəzarət bölgəsindəki Sərsəng su anbarına baş çəkib, obyektin erməni istismarçıları ilə görüşüb.

“Qərb Xəbər” məlumat verir ki, görüşdə iştirak edən Meliorasiya və Su Təsərrüfatı ASC-nin nümayəndəsi Adil Qafarlı BBC News Azərbaycancaya səfərin məqsədi və nəticələri haqqında danışıb.

Adil Qafarlı deyib ki, bu səfər heç də onların qrumundan Sərsəng su anbarına ilk səfər olmayıb və əvvəlkindən fərqli olaraq bu dəfə daha səmimi, məhsuldar görüş keçib.

Qafarlı hesab edir ki, Azərbaycanın keçirdiyi sonuncu hərbi əməliyyatlar, “Qisas əməliyyatı” tanınmamış Dağlıq Qarabağ təmsilçilərində “yumşalma” yaradıb.

Suvarma üzrə mütəxəssis bildirib ki, razılaşmaya görə indidən sonra hər 15 gündə bir Azərbaycan tərəfindən ekspertlər Sərsəngə səfər edəcək və onun işləməsində su anbarının erməni istismarçıları ilə əməkdaşlıq edəcəklər.