Gəncədə fəhlənin əlində partlayıcı qurğu partlayıb
Gəncədə 20 yaşlı gəncin əlində partlayıcı qurğu partlayıb.
“Qərb Xəbər“in Report-a istinadən məlumatına görə, hadisə şəhərin “Tekstilni” adlanan ərazisində qeydə alınıb.
Belə ki, həmin ərazidə çalışan 2002-ci il təvəllüdlü M.Cəfərli binanın damında partlayıcı qurğu tapıb. Bu zaman partlayış olub. Nəticədə fəhlə xəsarət alıb.
O, xəstəxanaya yerləşdirilib, vəziyyəti kafi qiymətləndirilir.
Faktla bağlı araşdırmalara başlanılıb.
Xatırladaq ki, partlayıcı qurğunun qumbara başlığı olduğu ehtimal edilir.
