“Köstəbəkləri aradan qaldırmalıyıq” – Deputat Müdafiə Nazirliyindəki pul mənimsəmələrindən danışdı
Milli Məclisin iclasında deputat Fazil Mustafa Müdafiə Nazirliyindəki həbslərdən danışıb.
“Qərb Xəbər” mlumat verir ki, F.Mustafa bildirib ki, Müdafiə Nazirliyində aparılan yoxlamalar onu sevindirir.
“Biz nazirliyin bütün strukturlarında kök atmış köstəbəkləri aradan qaldırmalıyıq”, – deyə Fazil Mustafa əlavə edib.
Həbs olunanlar arasında Müdafiə Nazirliyinin Satınalmalar və Təchizat İdarəsinin sabiq rəisi Məlikməmməd Qurbanov da var. O, Cinayət Məcəlləsinin 179.4-cü maddəsi ilə təqsirli bilinir.
Fazil Mustafa həmin şəxsin adını da çəkib:
“Ötən gün oxudum ki, orada Məlikməmməd adında bir zabiti də tutublar. Əsas orada oturan “div”ləri aradan qaldıraq. Həmin vəsaitlər bir nəfərin əli ilə mənimsənilə bilməz”.
Millət vəkili təklif edib ki, həbs olunan şəxslərdən müsadirə olunan vəsaitlər hərbçilərə, Qarabağda xidmət edənlərə verilsin.
Bu gün paylaşılan digər xəbərlər
Bu gün heç bir yeni xəbər yayımlanmadı