Tərtərdə minaya düşən əsgər şəhid olub
Azərbaycan Ordusunun aprelin 4-də Tərtər rayonunun Suqovuşan kəndi istiqamətində minaya düşən əsgəri Bayramov İlkin Bayram oğlu şəhid olub.
Reportun xəbərinə görə, hadisə nəticəsində ağır yaralanaraq komaya düşən hərbi qulluqçu bu gün müalicə aldığı xəstəxanada vəfat edib.
Mərhum Ağstafa rayonunun Pirli kənd qəbiristanlığında dəfn ediləcək.
Qeyd edək ki, Ağstafa rayonunun Pirli kəndindən olan əsgər İ.Bayramov Vətən müharibəsinin iştirakçısı olub. O, Prezident İlham Əliyevin ötən ilin dekarbrın 30-da imzaladığı sərəncamla “Hərbi xidmətlərə görə” medalı ilə təltif edilib.
