Türkiyə vətəndaşı Ucarda qəza törədib, TIR “Kamaz”a çırpılıb – FOTO

Ucar rayonunda yol qəzası baş verib.

Məlumatına görə, rayonun Müsüslü kəndi ərazisində 1974-cü il təvəllüdlü Türkiyə vətəndaşı Əli Gənc Həsənoğlunun idarə etdiyi TIR maşını “KamAz”a çırpılıb.

Nəticədə Trabzon şəhər Yeni Cuma qəsəbə sakini olan Həsənoğlu müxtəlif dərəcəli bədən xəsarətləri alıb. Yaralı Kürdəmir Rayon Mərkəzi Xəstəxanasına yerləşdirilib. Vəziyyəti ağır olduğundan, yaralının Bakıdakı xəstəxanalardan birinə göndərilməsi nəzərdə tutulub.

Faktla bağlı araşdırma aparılır.