Manatın dövretmə sürəti azalıb

Bu il iyulun 1-nə Azərbaycanın milli valyutası – manatın dövretmə sürəti 3,94 bənd təşkil edib.

Azərbaycan Mərkəzi Bankının (AMB) yaydığı məlumata görə, bu, iyunun 1-i ilə müqayisədə 0,07 bənd, yanvarın 1-nə nisbətən 0,54 bənd, ötən ilin iyulun 1-nə nisbətən isə 0,84 bənd azdır.

AMB-nin statistikasına əsasən, manatın dövretmə sürətinin son 17 il ərzində ən aşağı həddi 2015-ci ilin yanvar ayının yekununda, yəni son illərin ilk devalvasiyası ərəfəsində qeydə alınıb və 2,68 bənd təşkil edib. Bu göstəricinin ən yüksək həddi isə 2005-ci ildə (15,72 bənd) qeydə alınıb.