Orban Von-der Lyayeni yenidən istefaya çağırdı

Avropa Komissiyasının (AK) sədri Ursula fon der Lyayenin yerində olsaydım, ya istefa verərdim, ya da Avropa İttifaqının (Aİ) yenidən qurulmasına başlayardım.

Qerbxeber.com Teleqraf-a istinadən xəbər verir ki, bu bəyanatla Macarıstanın Baş naziri Viktor Orban çıxış edib.

“Əgər mən fon der Lyayen olsaydım, ilk üç qərarım nə olardı? Mən dərhal istefa verərdim, əgər alınmırsa – davam etməyin mənası nədir?”, – o bildirib.

Orban əlavə edib ki, Aİ böhranlardan üzv dövlətlərin mövqelərini zəiflətmək üçün istifadə edir, buna görə də Avropa Komissiyası sədrinin yerində olsaydı, milli və Avropa səlahiyyətləri arasında balansın bərpası ilə məşğul olardı. Bundan əlavə, o, hər bir dövlətin inteqrasiyada iştirak dərəcəsini seçə bilməsi üçün “konsentrik dairələr” modeli yaradıla biləcəyini söyləyib.

Orban Aİ-nin mövcud strukturunun tənəzzülə və dağılmağa doğru apardığını, xilas üçün yeganə çıxış yolunu təşkilatın yenidən qurulmasında gördüyünü sözlərinə əlavə edib.