Bərdə rayonu Soğanverdilər kənd sakini Arif Qarayev Qarabağ döyüşlərində könüllü iştirak edib, lakin Qarabağ veteranı statusunu ala bilmir.
“Bölgənin Səsi” saytının məlumatına görə, vətəndaş dəfələrlə aidiyyatı orqanlara (Müdafiə Nazirliyi, Əmək və Əhalinin Sosial Müdafiə Nazirliyi, Prezident Aparatı) və Birinci Vitse-prezident Mehriban Əliyevaya rəsmi məktubla və elektron qaydada müraciət etsə də, onun müraciətlərinə qənaətbəxş cavab verilməyib.
Arif Qarayev bildirir ki, bütün sənədlərinin qaydasında olması baxmayaraq, onun müraciəti rədd edilib. Hətta, vətəndaş bir neçə dəfə Prezident Aparatında görüşdə olub, ancaq problem öz həllini tapmayıb. İş o yerə çatıb ki, o, eks-prezident Heydər Əliyevin məzarına məktub yazıb.
Qeyd edək ki, A. Qarayev mətbuata da tanışdır. Haqqında dəfələrlə yazılar dərc olunub, ondan müsahibələr alınıb, müraciətləri işıqlandırılıb.
Həmin yazı və müsahibələrdən bir neçəsini aşağıdakı fotolarda görə bilərsiniz: