300 dollarlıq limitin aşağı salınması düzgün deyil

Deputat Vüqar Bayramov gömrük limiti haqqında danışıb. Onun sözlərinə görə, sonuncu dəfə 2020-ci ilin avqustunda gömrük limitinin məbləği 1000 dollardan 300 dollara endirilib:

“Qərb Xəbər “bildirir ki, bu barədə “Yeniçağ”a danışan Bayramov vətəndaşların internet vasitəsilə aldıqları mallara görə gömrük limitinin aşağı salınması çağırışlarını düzgün hesab etmədiyini bildirib:
“Bu limitin dəyişdirilməsi ilə bağlı bir sıra sahibkarlıq subyektləri tərəfindən müraciətlərin olmasına baxmayaraq, onun aşağı salınması məqsədəuyğun deyil. Vətəndaşların aylıq 300 dollaradək sifariş etdikləri məhsullar şəxsi istehlak üçündür. Bu baxımdan, o məbləğin azaldılması və ya vergiyə cəlb edilməsi heç bir halda məqsədəuyğun hesab olunmur. Digər tərəfdən, qlobal olaraq indi elektron sifarişlərin həcmində artımlar var. Yerli sahibkarlarımız da bu çağrışlara hazır olmalıdırlar”.