“Turan Tovuz” daha bir futbolçu ilə razılaşdı
“Turan Tovuz” ötən yay heyətinə cəlb etdiyi Ayxan Quseynovu komandada saxlayacaq.
Bölgə klubunun rəhbərliyi yarımmüdafiəçi ilə müqavilə müddətini uzatmaq üçün bir müddətdir danışıq aparır.
“Zenit”in yetirməsi ilə artıq razılıq əldə edilib. 23 yaşlı futbolçu növbəti mövsümü də Tovuz klubunda keçirəcək.
Qeyd edək ki, onun hazırkı komandası ilə müqaviləsi 2023-cü il iyunun 30-da başa çatırdı. “Leninqradets”, “Nijniy Novqorod”, “Dolqoprudnıy”, “Ximki”də oynamış Quseynov Azərbaycan çempionatında legioner statusu ilə oynayır.
