Tovuzda külək “futbolçuların damı”nı uçurub – Şikayətə baxan yoxdur – VİDEO
Tovuz şəhərinin Sadəddin Məmmədov küçəsində “Futbolçuların binası” kimi tanınan binanın damı iyun ayının 20-də yararsız hala düşüb.
“Qərb Xəbər” saytının əldə etdiyi xəbərən görə, binanın damı əsən güclü külək nəticəsində uçub.
Ərazidə iki-üç fəhlə gününü keçirir, problemin aradan qaldırılması istiqamətində heç bir iş görülmür. Etiraz edən olanda da fəhlələr bu cavabı verirlər: “Biz usta deyil, adi fəhləyik. Biz bacara bilmirik”.
Sakinlərin dediyinə görə, ev-eşikləri pis günə düşüb: “İşsizlikdir, problemi özümüz həll edə bilmirik, əlaqədar qurumlardan da maraqlanan yoxdur”.
