Tərtərdə ana övladını şişlə yandırıb
Tərtər rayonunda ana azyaşlı oğlunu şişlə yandırıb.
Report-un xəbərinə görə, hadisə rayonun Azadqaraqoyunlu kəndində qeydə alınıb.
Belə ki, kənd sakini Dünyamalıyeva Könül Bəhlul qızı yaşadığı evdə himayəsində olan oğlu, 2011-ci il təvəllüdlü Dünyamalızadə Telman Rafiq oğlunu nadinclik etdiyi üçün cəzalandırıb.
O, şişi qaz sobasında qızdıraraq azyaşlının bud, çanaq, qol və əlinə basıb.
Daha sonra uşağın atası R.Dünyamalıyev hüquq-mühafizə orqanlarına müraciət edib.
Faktla bağlı Tərtər rayon Prokurorluğunda Cinayət Məcəlləsinin 133.2.4-cü (əzab vermə, təqsirkar şəxs üçün aşkar surətdə yetkinlik yaşına çatmayan, habelə köməksiz vəziyyətdə olan şəxsə qarşı törədildikdə) maddəsi ilə cinayət işi başlanıb, araşdırma aparılır.
