Suriyada Milli Təhlükəsizlik Şurası yaradılıb
Suriyada dövlət başçısının sədrliyi ilə fəaliyyət göstərəcək və ölkədə təhlükəsizlik və atılacaq siyasi addımların koordinasiyasından cavabdeh olacaq Milli Təhlükəsizlik Şurası qurulub.
Qerbxeber.com xəbər verir ki, bu haqda Suriya Prezident Administrasiyası məlumat yayıb.
Şura xarici işlər, müdafiə və daxili işlər nazirləri, Baş Kəşfiyyat İdarəsinin rəhbəri, həmçinin prezident tərəfindən təyin olunacaq 2 müşavir və 1 texniki ekspertdən ibarət olacaq.
Şuranın iclası prezidentin dəvəti ilə mütəmadi olaraq və zərurət yarandığı zaman keçiriləcək.
