Şəmkirdə gübrə mağazası və kafedə yanğın olub
Şəmkirdə yanğın hadisəsi baş verib.
“Qərb Xəbər”in məlumatına görə, hadisə rayonun Sabirkənd kəndində qeydə alınıb.
Gübrə mağazası və ona bitişik kafedə anidən yanğın olub.
Dərhal hadisə yerinə FHN Dövlət Yanğından Mühafizə Xidmətinin Şəmkir Rayon Dövlət Yanğından Mühafizə Hissəsinin yanğınsöndürən avtomobiləri və canlı qüvvəsi cəlb olunub.
Yanğın söndürülüb, yaxınlıqdakı tikililər yanğından tam mühafizə olunub.
Hadisənin səbəbləri araşdırılır.
