Qazaxda “İlk addım” xeyriyyə aksiyası keçirilib

Bu gün Qazax Gənclərin İnkişaf və Karyera Mərkəzinin təşkilatçılığı ilə “İlk addım” xeyriyyə aksiyası çərçivəsində birinci sinfə qədəm qoyacaq şagirdlərə məktəb ləvazimatlarının paylanması həyata keçirilib.

İlk olaraq, Quşçu Ayrım kəndində 8 uşağa (5 oğlan və 3 qız) məktəbli çantası və məktəb ləvazimatları paylanılıb. Daha sonra Məzəm kəndində 3 (hər üçü oğlan), Cəfərli kəndində 17 (10 oğlan və 7 qız) və Bala Cəfərli kəndində 3 (1 oğlan və 2 qız) şagirdə məktəbli çantaları və müvafiq dərs ləvazimatları təqdim edilib.

Qeyd edək ki, aksiyada Qazax GİKM-nin əməkdaşları, “Gənc könüllülər”, eləcə də, Qazax Rayon İcra Hakimiyyətinin məsul əməkdaşı Sərdar Orucov və rayon təhsil şöbəsinin işçisi Rasim Carçıyev iştirak ediblər.