Qazaxda bazarında da məhdudiyyətlər tətbiq olunub
“Qərb Xəbər”saytının əməkdaşları Qazax rayon Mərkəzi Bazarında olublar. Covid-19 virusunun qarşısının alınması üçün Operativ Qərargahın qəbul etdiyi qərarların burada necə icra olunduğunu araşdırıblar.
Məlumata görə, hazırda yalnız ərzaq məhsulları satan piştaxtalar fəaliyyət göstərir. Qeyri-ərzaq məhsulları satan piştaxta və dükanlar bağlanılıb. Karantin rejiminə əməl olunur.
Bunun özü də çətinlik yaradır, hər hansı bir parçaya, geyim məhsuluna ehtiyacı olan vətəndaşlar çaş-baş qalıb. Əməkdaşlarımızla söhbət əsnasında vətəndaşlar bunlara da bir şəkildə əlçatımlılıq yaradılmasının yaxşı olacağını vurğulayıblar.
Qeyd edək ki, dünyada yayılmış koronavirus (COVİD-19) pandemiyası ilə mübarizədə müxtəlif ölkələrin təcrübəsini nəzərə alaraq, əhalinin sağlamlığının qorunmasını ali məqsəd kimi qəbul edərək, koronavirus infeksiyasının ölkədə yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının Sanitariya-epidemioloji salamatlıq haqqında Qanununun 25-ci maddəsinə əsasən, Azərbaycan Respublikasında 24 mart 2020-ci il saat 00:00-dan etibarən 20 aprel saat 00:00-dək xüsusi karantin rejimi elan edilib.
