“Qarabağnamə İntellektual Oyunlar Kuboku” layihəsi başa çatıb

“Qarabağnamə İntellektual Oyunlar Kuboku” layihəsi uğurla başa çatıb. Layihə Azərbaycan Gənclər Fondunun elan etdiyi “İdeyanı reallaşdır 2022” fərdi layihələr üzrə qrant müsabiqəsinin qalibi Göygöl rayon M.Qəhrəmanov adına Göyçəkənd kənd tam orta məktəbinin gənc coğrafiya müəllimi Anar Əliyev tərəfindən icra edilib.

“Qərb Xəbər” bildirir ki, layihənin ilk günündə komandalar “Nə? Harada? Nə zaman?” oyunu üzrə mübarizə aparıblar. İlk 3 yeri aşağıdakı komandalar tutub: 1-ci yer: “Apokalipsis” (Qızılhacılı qəs. 2) – 30 xal 2-ci yer: “Xarıbülbül” (Borsunlu k.) – 29 xal 3-cü yer: “Zəngəzur” (Fəxralı k.) – 27 xal Yarışın ikinci günündə komandalar “Breyn Rinq” intellektual oyunu üzrə mübarizə aparıblar və yalnız aşağıdakı komandalar adlarını mükafatçılar sırasına yazdıra biliblər : 1-ci yer: “Qladiator” (Yeniyol k.) 2-ci yer: “Qayıdış” (Kəhrizli k.) 3-cü yer: “Edelveys” (Tatarlı k.) Son yarış günündə iştirakçılar “Xəmsə” Milli İntellektual Oyunu üzrə mübarizə aparıblar İlk “3-lük” isə belə olub: 1-ci yer: “Xəmsə” (Yığma) 2-ci yer: “Qayıdış” (Kəhrizli k.) 3-cü yer: “Xarıbülbül” (Borsunlu k.) Layihə Azərbaycan Gənclər Fondunun maliyyə, Goranboy Rayon Gənclər və İdman idarəsinin, Goranboy-Naftalan Təhsil Sektorunun, Goranboy Rayon Gənclərin İnkişaf və Karyera mərkəzinin texniki və təşkilati dəstəyi ilə həyata keçirilib. Goranboy-Naftalan təhsil sektoruna daxil olan məktəblər arasında keçirilən layihə çərçivəsində ümumilikdə 20 komanda və 100-dən çox məktəbli iştirak edib. 3 gün davam edən layihə boyunca toplamda 600-ə yaxın sual səslənib. Yekunda qaliblər kubok, medal və diplomarla təltif ediliblər.