Orbanın 16 illik hakimiyyətinin sonu
Macarıstanın Baş naziri Viktor Orban müxalif “Tisza” partiyasının lideri Peter Magyarı parlament seçkilərində qələbə münasibətilə təbrik edib.
Qerbxeber.com xəbər verir ki, bu barədə müxalifət lideri “X” sosial şəbəkəsində paylaşım edib. O bildirib ki, Orban ona telefonla zəng edərək partiyasını qələbə münasibətilə təbrik edib.
Qeyd edək ki, dünən 12 apreldə Macarıstanda parlament seçkiləri keçirilib.
Analitiklər hesab edirlər ki, 16 ildir hakimiyyətdə olan Orban hökumətinin dəyişməsi ölkə üçün dönüş nöqtəsi ola bilər. Bu dəyişikliklərin həm daxili siyasətə, həm də Avropa İttifaqı ilə münasibətlərə ciddi təsir göstərəcəyi gözlənilir.
