KİV: Ukrayna Belçika ilə təhlükəsizlik sazişi imzalayacaq
Ukrayna Prezidenti Vladimir Zelenski çərşənbə axşamı Belçikaya qısa səfər edəcək.
Qerbxeber.com xəbər verir ki, bu barədə Belçikanın “Belqa” xəbər agentliyi məlumat yayıb.
Bildirilib ki, Ukrayna lideri ölkənin baş naziri Aleksandr de Kroo ilə təhlükəsizlik sazişi imzalayacaq və Belçika Kralı Filip tərəfindən qəbul ediləcək.
Səfər zamanı Belçikanın Ukraynanı F-16 qırıcı təyyarələri ilə təmin etmək planları və onlar üçün pilot və texniki kadrların hazırlanmasının gedişi də müzakirə olunacaq.
Belçika Birləşmiş Ştatların 2018-ci il müqaviləsi çərçivəsində ilk F-35-ləri göndərdikdən sonra, 2024-cü ilin sonu və ya 2025-ci ilin əvvəlində gözlənilən qırx təyyarədən ikisinin təhvil verilməsi ilə Ukraynaya təyyarə köçürməsinə başlamaq niyyətindədir.
Brüssel Kiyevə ümumilikdə 1 milyard avro yardım ayırıb.
