KİV: Almaniya kəşfiyyatı Priqojinlə Lukaşenkonun danışığını dinləyib
Almaniya kəşfiyyatı “Vaqner” Xüsusi Hərbi Şirkətinin başçısı Yevgeni Priqojinin Rusiyada üsyan cəhdi barədə məlumatlı olub. Hətta Belarus Prezidenti Aleksandr Lukaşenko ilə Priqojin arasında olan telefon danışıqlarını dinləyib.
Bu barədə “Qərb Xəbər” Almaniyanın “WDR” və “NDR” nəşrinin araşdırmasına istinadən xəbər verir.
Almaniyanın xarici kəşfiyyat xidməti bu danışığı öz mənbələrindən öyrənib. Qeyd olunub ki, kəşfiyyat xidməti adətən heç bir kəşfiyyat tapıntısı və ya fəaliyyətini açıq şəkildə şərh etmir.
