İstanbul klubu növbəti mərhələdə
UEFA Konfrans Liqasında III təsnifat mərhələsinin cavab oyunları çərçivəsində bu gün 1 matç keçirilib.
Qerbxeber.com xəbər verir ki, İstanbulda yerli “Başakşəhər” klubu Norveç “Vikinq”ini qəbul edib.
Qarşılaşma 1:1 hesabı ilə başa çatıb.
İlk oyunda səfərdə 3:1 hesabı ilə qələbə qazanan Türkiyə təmsilçisi iki matçın nəticəsinə görə pley-off mərhələsinə vəsiqə qazanıb.
“Başakşəhər” növbəti mərhələdə “Universitatya Krayova” (Rumıniya) – “Spartak Trnava” (Slovakiya) görüşünün qalibi ilə qarşılaşacaq. Rumıniyada keçirilən ilk matçda meydan sahibləri 3:0 hesabı ilə qələbə qazanıb. Təkrar oyun sabah Slovakiyada baş tutacaq.
