İran İsrailin müxtəlif şəhərlərində yerləşən hərbi və strateji hədəfləri vurub.Bu dəfəki hücum “Doğru Vəd 3” əməliyyatı çərçivəsində gerçəkləşib.
Qerbxeber.com bildirir ki, bu barədə İranİslam İnqilabı Keşikçiləri Korpusu (SEPAH) məlumat yayıb.
Rəsmi bəyanatda qeyd olunur ki, əməliyyat Təl-Əviv, Hayfa və Bərşəva şəhərlərində bir sıra hədəfləri əhatə edib. Bu hədəflərə hərbi mərkəzlər, müdafiə sənayesi obyektləri, komanda-idarəetmə məntəqələri, hərbi əməliyyatlara dəstək verən şirkətlər və “Nevatim” və “Hatzor” adlı hərbi hava bazaları daxildir.
Açıqlamada bildirilir ki, bu hədəflər İranın düşməni hesab edilən qüvvələrin Qəzza, Livan, Yəmən və İranın özünə qarşı fəaliyyət göstərdiyi mərkəzlərdir.
SEPAH iddia edir ki, ballistik raketlərin dəqiqliyi və dağıdıcı gücü artmaqdadır və bu hücumlar rejim tam cəzalandırılana qədər davam edəcək.
