Gürcüstanın Konstitusiya Məhkəməsi “Xarici təsirin şəffaflığı haqqında” qanunun ləğvi ilə bağlı iddialara baxır
Gürcüstanın Konstitusiya Məhkəməsi ölkə prezidenti Salome Zurabişvilinin, müxalifət partiyalarının deputatlarının və qeyri-hökumət təşkilatlarının (QHT) “Xarici təsirin şəffaflığı haqqında” qanunun ləğvi ilə bağlı iddialarına baxmağa başlayıb.
Qerbxeber.com xəbər verir ki, bununla bağlı məhkəmə iclası yerli vaxtla saat 11:00-da başlayıb.
Xatırladaq ki, Gürcüstan Konstitusiya Məhkəməsində sözügedən qanunun ləğvi tələbi ilə dörd iddia qaldırılıb. Bunu Prezident Salome Zurabişvili, Gürcüstanın 121 QHT-si, müxalifətdən olan 38 parlament üzvü və jurnalistlər ediblər.
