Gürcüstanda səsvermə yekunlaşdı
Gürcüstanda saat 20:00-da bütün seçki məntəqələri bağlanıb.
Qerbxeber.com xəbər verir ki, bu barədə GÜrcüstan Mərkəzi Seçki Komissiyası (MSK) məlumat verib.
Bildirilib ki, məntəqələrdə seçki prosesi sakit şəraitdə keçib.
Qeyd olunub ki, saat 17:00-a olan vəziyyətə görə, seçki məntəqələrinə 1 milyon 175 min 817 seçici gəlib ki, bu da ümumi seçici sayının 33,5%-i deməkdir.
Qeyd edək ki, bu gün, 4 oktyabr Gürcüstanda bələdiyyə merləri və bələdiyyə şuralarının seçkiləri keçirilib. Seçkilər 64 bələdiyyə dairəsində təşkil olunub.
