Avropanın iki böyük bankı Rusiyanı tərk etmək barədə qərar qəbul edib
Avstriyanın “Raiffeisen Bank International” (RBI) və İtaliyanın “UniCredit” bank qrupları Rusiyadakı bizneslərini dayandırmaq və ölkəni tərk etmək planları barədə qərar qəbul ediblər.
Qerbxeber.com Rusiya mətbuatına istinadən xəbər verir ki, bu barədə “Vedomosti” qəzeti məlumat yayıb.
Müvafiq planlar şirkətlərin hesabatlarında əks etdirilir. “UniCredit” ilin sonuna qədər Rusiyadakı biznesini əhəmiyyətli dərəcədə, “Raiffeisenbank” isə 2026-cı ilə qədər ölkədəki kredit portfelini 65 faiz azaldacaq.
