Ağstafada dəm qazından zəhərlənmə hadisəsi baş verib
Ağstafada zəhərlənmə faktı qeydə alınıb.
“Qərb Xəbər” bildirir ki, hadisə rayonun Poylu kəndində qeydə alınıb.
İki kişi dəm qazından zəhərlənib. Biri ölüb, digəri isə xəstəxanaya yerləşdirilib.
Məlumata görə, hər iki şəxs yaşadığı evdə dəm qazından zəhərləniblər.
DİN-in Mətbuat Xidmətinin Gəncə regional qrupunun baş inspektoru Eşqin Qasımovun sözlərinə görə, ölən şəxs 1964-cü il təvəllüdlü Bayramov Mustafa Alı oğludur.
Hər iki şəxs kənddə qonaq olublar.
