6-cı siniflərdə biologiya və fizika dərslikləri tədris olunmayacaq
“Orta məktəblərdə fənlərin sayına baxmağa ehtiyac var”.
Bunu Elm və Təhsil Nazirliyinin Ümumi və məktəbəqədər təhsilin təşkili və idarə olunması şöbəsinin müdiri Elnur Əliyev jurnalistlərə açıqlamasında deyib.
Onun sözlərinə görə, məktəblərdə fənlərin say və standartlarına, məzmununa yenidən baxılması üçün müzakirələrə başlanılıb.
“Nazirlikdə müzakirələr gedir. Gələn ildən 6-cı siniflərdə Təbiət dərsliyinin tədrisinə başlanılacaq, əvəzinə isə 6-cı siniflərdə biologiya və fizika dərslikləri tədris olunmayacaq”, – deyə nazirlik rəsmisi qeyd edib.
