2028-ci il Avropa çempionatı bu iki ölkədə keçiriləcək
2028-ci ildə futbol üzrə Avropa çempionatı Böyük Britaniya və İrlandiyada keçiriləcək.
“Qərb Xəbər” xarici mediaya istinadla bildirir ki, bu barədə UEFA-nın rəsmi məlumatında deyilir.
Bundan əvvəl Türkiyə Futbol Federasiyası 2032-ci ildə keçiriləcək turnir üçün İtaliya ilə birgə müraciət etdiyi üçün 2028-ci il Avropa Çempionatına ev sahibliyi etmək təklifini geri götürmüşdü.
Qeyd olunur ki, Avro-2028-in rəsmi yeri oktyabrın 10-da UEFA-nın Nyon şəhərindəki İcraiyyə Komitəsində açıqlanacaq. İngiltərə, Şimali İrlandiya, İrlandiya, Şotlandiya və Uels ilk dəfə turnirə ev sahibliyi edəcək.
Xatırladaq ki, 2024-cü ildə Avropa çempionatı Almaniyada baş tutacaq.
