Qardaş ölkə Türkiyəyə yardım kampaniyası artıq bir neçə gündür davam edir.
“Qərb Xəbər”in xüsusi müxbiri Gülnar Vəliyeva paytaxt Bakıdan xəbər verir ki, kampaniyaya qoşulan insanların sayı hər keçən gün artmaqdadır. Toplanan yardımların əksəriyyətini isti geyimlər və qidalar təşkil edir. İctimai yardımın toplanması Heydər Əliyev adına İdman-Konsert Kompleksində həyata keçirilir.
Eyni zamanda Gənclər və İdman Nazirliyi Türkiyəyə yardımlarla bağlı əhaliyə müraciət edib.
Müraciətdə deyilir: “Yardım etmək istəyən əhaliyə məlumat üçün bildiririk ki, yardımlar hər gün yalnız saat 09:00-dan 18:00-a qədər qəbul olunur. Digər vaxtlarda yardımların gətirilməməsi xahiş olunur. Çünki qalan vaxtlarda könüllülər yardımların toplanması və çeşidlənməsini və qablaşdırılaraq göndərilməsini təmin edirlər”.
