ABŞ Prezidenti Donald Tramp bəyan edib ki, Çin məhsullarına tətbiq edilən 145%-lik gömrük rüsumları azaldıla bilər və bu rüsumların artırılması ehtimalı azdır.
Qerbxeber.com xəbər verir ki, O, bu barədə cümə axşamı Ağ Evdə jurnalistlərin suallarını cavablandırarkən danışıb.
“Bir məqam var ki, mən həmin tariflərin daha da artırılmasını istəmirəm. Çünki müəyyən bir həddə çatdıqda insanlar artıq həmin məhsulları almaq istəməyəcəklər. Ona görə də, ola bilsin ki, mən bu tarifləri daha da artırmaq istəməyim. Hətta onların müəyyən səviyyəyə qədər qalxmasını da istəməyə bilərəm. Əksinə, bəlkə də onları azaltmaq istəyərəm ki, insanlar həmin məhsulları alsınlar”, – deyə Tramp bildirib.
O həmçinin əlavə edib ki, Çinlə ticarət sahəsində vəziyyət tam tənzimlənənədək TikTok ilə bağlı müqavilənin bağlanmasını təxirə salmaq niyyətindədir.
