Tovuz rayonunun demoqrafik vəziyyəti açıqlanıb.
Bu barədə “Qərb Xəbər”ə Tovuz Rayon Statistika İdarəsindən məlumat verilib.
Bildirilib ki, rayon əhalisinin 2022-ci il iyul ayının 1-nə olan demokrafik vəziyyət ilin əvvəli ilə müqayisədə 0,3 faiz artaraq 179,7 min nəfər olmuşdur.
Rayon əhalisinin ümumi sayından 16,8 faizi şəhər, 83,2 faizi isə kənd sakinlərinin payına düşür. Əhalinin ümumi sayından 50,5 faizini kişilər, 49,5 faizini isə qadınların təşkil edir. Hazırda hər 1000 kişiyə 981 nəfər qadın düşür.
2022-ci ilin yanvar-iyun aylarında 1216 uşaq doğulmuş və əvvəlki ilin müvafiq dövrü ilə müqayisədə 105 nəfər və ya 9,5 faiz çox olmuşdur. Bütün yaşlarda ölənlərin ümumi sayı 668 nəfər və ya əvvəlki ilin müvafiq dövrü ilə müqayisədə 1 nəfər (0,1 faiz) az olmuşdur. 2022-ci ilin yanvar-iyun aylarında 1 yaşadək uşaq ölümü 4 nəfər olmuşdır. Hesabat dövründə Tovuz rayonunda təbii artım 548 nəfər olmuş və əvvəlki ilin müvafiq dövrü ilə müqayisədə 106 nəfər və ya 24,0 faiz artmışdır.
2022-ci ilin yanvar-iyun aylarında qeydiyyat şöbələri tərəfindən 696 nikah, 125 boşanma qeydə alınmış, əvvəlki ilin müvafiq dövrü ilə müqayisədə nikahların sayı 175 vahid artmış, boşanmaların sayı isə 27 vahid azalmışdır.
