2 ildən artıq bir müddətdir ki, Azərbaycanın qonşu dövlətlərlə quru sərhədləri bağlıdır. Bu istiqamətdə mövcud problemin aradan qaldırılmasının vacibliyinə dəfələrlə toxunulsa da, hələ də öz həllini tapmayıb. Qonşu dövlətlər bir tərəfli şəkildə Azərbaycanla quru sərhədlərini açıb. Sosial şəbəkələrdə sərhədlərin iyulun 1-dən etibarən açılacağı müzakirə edilirdi. Lakin, Operativ Qərargahın sonuncu qəbul etdiyi qərarlar içərisində Azərbaycanın quru sərhədlərinin açılması barədə məlumat verilməyib. Bir sıra millət vəkilləri Azərbaycanın quru sərhədlərinin tezliklə açılacağı barədə danışırdılar.
Məsələ ilə bağlı “Qərb Xəbər”ə danışan infeksionist-hepatoloq Mərdan Əliyevin sözlərinə görə, sərhədlərin açılmasında meymun çiçəyinin heç bir maneəsi yoxdur: “Tək meymun çiçəyi deyil, meymun çiçəyi yeni tapılıb və ondan öncədə sərhədlərin açılmasına hər hansı bir mane yox idi. Nə ilə bağlı olduğunu bilmirəm. Hər hansı göstəriş yoxdur ancaq açıla bilər çünki, qonşu ölkələrdə karona virusla bağlı vəziyyət stabildir. Quru sərhədlərin açılması qonşu ölkələrdən gələn vətandaşlara və yaxud da gəliş-gedişə səbəb olacaq və buna görədə problem olmamalıdır”.
Onun sözlərinə görə, meymun çiçəyi korona virusa baxdıqda təcrid etmək daha asandır: “Meymun çiçəyi qonşu Gürcüstanda bir nəfərdə aşkarlanıb oda Avropa vətəndaşıdır. Bundan başqa təyyarə reysləri onsuzda var. Hava yolu ilə yüzlərlə minlərlə insan gedib gəlir və nəzərə alsaq ki, meymun çiçəyi Avropada və Afrika ölkələridə daha çox yayılıb. Ordanda hava yolu ilə gediş-gəliş mümkündür. Fikrimcə uzaq yerlərdən hava yolu ilə yoluxma daha çox ola bilər nəinki qonşu ölkələrdən”.
Ülviyyə Həsənova
