Rusiya Xarici İşlər Nazirliyi Azərbaycanın Qarabağdakı qondarma rejimin keçmiş liderləri Arkadi Qukasyan, Bako Saakyan, Araik Arutyunyan və “dövlət naziri” Ruben Vardanyanın həbs edilməsinə münasibət bildirib.
“Qərb Xəbər” bildirir ki, Rusiya XİN sözçüsü Mariya Zaxarova bu gün keçirdiyi brifinqdə erməni jurnalistin “separatçıların “liderləri”nin və Vardanyanın geri qaytarılması üçün Moskva hansısa tədbir görürmü?” sualına cavabında adıçəkilən şəxslərin Ermənistan vətəndaşı olduğunu söyləyib.
Zaxarova onlardan birinin (Ruben Vardanyan-red) Rusiya vətəndaşı olduğunu, daha sonra isə vətəndaşlıqdan imtina etdiyini xatırladıb.
