Səhərin erkən saatlarında Ukrayna ordusuna məxsus pilotsuz uçuş aparatları Rusiyanın Rostov vilayətinə hücum edib.
Qerbxeber.com xəbərinə görə, bu barədə video “ASTRA” teleqram kanalında paylaşılıb.
Vilayətin qubernatoru Vasili Qolubev bildirib ki, onların hamısı hava hücumundan müdafiə qüvvələri tərəfindən zərərsizləşdirilib. Nəticədə PUA-ların qalıqları vilayətin Kamensk-Şaxtinsk rayonundakı kimyəvi məhsullar istehsal edən müəssisələrdən birinin ərazisinə düşüb.
İnsan tələfatı və ya xəsarət alanlarla bağlı məlumat verilməyib.
