Qazax Gənclər Evində “Düşərgə adamı” layihəsi çəvçivəsində “Skautinq” təlimi baş tutub. Təlim Azərbaycan Skautlar Assosiasiyasının Tovuz rayonu üzrə nümayəndəsi, dəstə lideri Günay Abdullayeva tərəfindən keçirilib.
Təlimdə skautinqin həyatımızda rolu, skaut prinsipləri və salutu, skautların salamlaşması və devizi, həmçinin skaut dəyərlərindən bəhs olunub.
Diskussiya şəraitində keçən təlimdə gənclərin sualları cavablandırılıb, eləcə də təlimin maraqlı, əyləncəli olması üçün müxtəlif enercayzerlər oynanılıb.
Qeyd edək ki, fəaliyyət Gənclərin İnkişaf və Karyera Mərkəzinin Qazax-Tovuz regional nümayəndəliyi ilə “Qazax Gənclər evi” sosial xidmət müəssisəsinin birgə təşkilatçılığı və Azərbaycan Skautlar Assosiasiyasının tərəfdaşlığı ilə keçirilib
