Bakı Şəhəri üzrə Təhsil İdarəsi ötən gün Xətai rayonu, Əhmədli qəsəbəsində baş verən yol-nəqliyyat hadisəsi zaman vəfat edən şagird barədə açıqlama verib.
İdarədən verilən məlumata görə, qəzada ölən şəxs paytaxtdakı 86 nömrəli tam orta məktəbin X sinif şagirdi Göyüşov İsa Vüqar oğludur.
44 saylı marşrut üzrə hərəkət edən “Daewoo” markalı xətt avtobusu məktəbli oğlanı vurub. Məktəbli hadisə yerində dünyasını dəyişib.
Qeyd edək ki, Göyüşov İsa əslən Qazax rayonunun Çaylı kəndindəndir və ötən gün Çaylı kənd qəbirstanlığında dəfn olunub.
