İyunun 21-də Nazirlər kabineti “Xüsusi karantin rejiminin müddətinin uzadılması və bəzi məhdudiyyətlətin aradan qaldırılması ilə bağlı əlavə tədbirlər haqqında” qərar verib.
Məlumata əsasən, koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2022-ci il 1 sentyabr saat 06:00-dək uzadılıb.
Məsələ ilə bağlı “Qərb Xəbər”ə millət vəkili Məlahət İbrahimqızı danışıb.
Onun sözlərinə görə xüsusi karantin rejiminin müddətinin uzun müddətli olması cəmiyyətin sağlamlığı üçündür: “Operativ qərargahın yeni açıqlamasına əsasən Azərbaycan xalqına məxsus şənlik mərasimlərilə bağlı olan bütün məhdudiyyətlər aradan qaldırılıb və eyni zamanda bəzi qaydalar qüvvəsində qalıb. Düzdü demək olar ki bu gün xəstəliklə bağlı məlumat statistikası verilir, amma demək olar ki, xəstəlik bu ölkədə istifadə olunmur. Bildiyimiz kimi bu pandemiyadır. Pandemiyanı Beynəlxalq təşkilatlar elan edib və bununlada bağlı məsuliyyətlət daşıyırlar. Əgər, o təşkilatlar xüsusilə də Ümumi Dünya Səhiyyə Təşkilatı elan vermirsə ki, pandemiya bitdi, dünya bəşəriyyat koronovirusu yendi, belə bir açıqlama eşitməmişiksə o zaman bizdə operativ qərargahın qərarını anlamlı qarşılayarıq”.
Məlahət İbrahimqızının sözlərinə görə, bütün dünyada pandemiyanın bitməsi elan edilmədiyi müddətcə qorxu hələ də qalır: “Bir neçə ölkədə pandemiya törətmə xüsusiyyətinə malik olan xəstəliklərin baş verdiyi danışılır. Şimali Koreyada , İraqda və s. eyni zamanda “Meymun çiçəyi” deyilən bir xəstəlikdə ortaya çıxıb. Buna görə dövlətimizin siyasəti və operativ qərargah hər bir vətəndaşı qorumaq üçün əlindən gələni edir. Bunun üçündə biz təhlükəli pandemiya törətmə xüsusiyyətli olan xəstəliklər baş verdiyi halda müxtəlif bölgələrdə bu qaydaların bəzilərini müəyyən müddətə saxlamalıyıq. Operativ qərargah bütün regionlarda durumun necə olduğundan xəbərdar olduğu üçün, bütün qaydaların bir anda götürülməsi ehtiyatsızlıq kimi hesab edilər. Gedişata baxılacaq əlbəttə ki, bu probler vətəndaşlara necə problemlər yaradır eyni zamanda hökümətədə problem yaradır. Qlobal təhlükədən vətəndaşların demokratiyanın qorunmasının qərarı ilə hərəkət edir”.
Vüsalə Kərimova
