Litva lideri Belarusla sərhədin tamamilə bağlanacağını istisna etməyib

Litva Prezidenti Gitanas Nauseda “Vaqner” özəl hərbi şirkətinin Belarusda yerləşməsi ilə bağlı bu ölkə ilə sərhədin tamamilə bağlanacağını istisna etməyib.

“Qərb Xəbər”xəbər verir ki, bu barədə Litva Prezidenti Polşanın Baş naziri Mateuş Moravetski ilə Suvalki Tank Alayına birgə səfərindən sonra keçirdiyi mətbuat konfransında bildirib.

O qeyd edib ki, bu proses Polşa və Latviya ilə razılaşdırılaraq baş verməlidir.

Xatırladaq ki, bir müddət əvvəl Polşa rəsmiləri də Belarusun tam təcrid olunmasının mümkünlüyünü açıqlamışdı. Polşanın hökumət başçısı Moravetskinin sözlərinə görə, hazırda Belarus ərazisində 4000 də daha artıq vaqnerçi ola bilər.