Son günlər ehtiyyatda olan hərbiçilərin təlimə çağırılması və Azərbaycan – Ermənistan arasında yenidən qarşıdurma ehtimalını və həmçinin, Azərbaycanın Tovuz rayonu, Əlibəyli kəndinin bir kilometrliyində, Ermənistanın Tavuş vilayətinin Berd rayonunun Aygepar kəndi yaxınlığında bir aya yaxındır ki, Rusiya hərbi bazasının yerləşməsi üçün aktiv tikinti işləri aparmasını hərbi Analitik Alp Arslan İmamquludan soruşduq.
Məsələ ilə bağlı ‘Qərb Xəbər’ə danışan “M5 Müdafiə və Strategiya” jurnalının Qafqaz və Orta Asiya üzrə nümayəndəsi, hərbi Analitik Alp Arslan İmamqulu bildirdi ki, ehtiyyatda olan hərbiçilərin çağrılması planlı təlimdir.
“Bundan sonra hər hansı bir problem çıxarsa, ola bilər ki, tarixi torpaqlarımız Qərbi Zəngəzur və İrəvanın azad olunması uğrunda çıxsın. Bu da onunla əlaqədardır ki, biz Azərbaycan Respublikası olaraq Azərbaycan Xalq Cumhuriyyətinin tam hüquqlu varisiyik. Buna görə də torpaqlarımızın delimitasiya və demarkasiya prosesində Qərbi Zəngəzur tamamilə, o cümlədən, Göyçə gölünün şərq yamacları Azərbaycan ərazi vahidi olaraq qiymətləndirilməlidir. Bu səbəblə hər hansı bir qarşıdurma çıxa bilər. Hər hansı müharibə olacaqsa, bu günki ‘Ermənistan Respublikası’nın ərazisində, yəni ki, bizim ata torpaqlarımızda olacaq. Bu münaqişənin vaxtını əvvəlcədən proqnozlaşdırmaq mümkün deyil. Necə ki, 2020-ci il müharibəsinin vaxtı bilinmədi. Bunun ilk qığılcımları Tovuzda başladı. Növbəti qığılcımlar harada başlayar onu bizə zaman göstərəcək”
Alp Arslan İmamqulu əlavə etdi ki, Rusiyanın şimal-qərb sərhəddimizdə əsas kommunikasiyaların keçdiyi bir yerdə baza tikməsi təbii ki, boşuna deyil.
“Ermənistan və havadarlarına 2020-ci ildə Tovuzda olan izdihamı xatırlatmaq lazımdır. Bir sözlə Başkənd gölündən Göyçəyə yolun qısa olduğunu bilməlidirlər. Həmin ərəfədə istiqamətimiz Tovuzdan Xocalıya olmalı idi amma istiqamət dəyişdi. Bu dəfə hər hansı təxribat baş verərsə Azərbaycan Xalq Cümhuriyyətinin varisi olaraq istiqamətimizin Gəncəbasardan qərbi Zəngəzura olması mütləqdir”.
Rahib İsgəndərli
