Qazax GİKM-in təşkilatçılığı ilə foto-müsabiqə start götürüb.
“Bölgənin Səsi” saytının məlumatına görə, foto-müsabiqə 14-29 yaş arası həvəskar və peşəkar gənc fotoqraflar arasında keçirilir.
Müsabiqəyə təqdim olunan fotolar fotoaparat və ya telefon vasitəsi ilə çəkilməli və mövzunu özündə əks elətdirməlidir.
Müsabiqəyə fotoların qəbulu 29 iyun 2019-cu il tarixinə qədər davam edir. Fotoların seçilməsi münsiflər heyəti tərəfindən düzgün, obyektiv və şəffaf şəkildə aparılacaq.
Qiymətləndirilmə zamanı hər bir münsif təqdim etdiyi ballara görə öz fikrini əsaslandırmalı olacaq. Bir fotoqrafın bir neçə fotosu yüksək bal toplayarsa, o zaman yalnız ən yüksək pillə tutmuş fotoya mükafat təqdim olunacaq. 3 ən yaxşı iş seçiləcək və 1 iyulda təşkil olunacaq tədbirdə qalib və mükafatçılara qiymətli hədiyyələr və diplomlar təqdim olunacaq. Seçilmiş fotolardan ibarət sərginin keçirilməsi də nəzərdə tutulur.
Müsabiqənin şərtləri:
* Foto-müsabiqə 14-29 yaş arası həvəskar və peşəkar gənc fotoqraflar arasında keçirilir.
* Foto şəkillər JPEG formatda, uzun tərəfi minimum 1500 piksel olmalıdır.
* Əlavə olunmuş faylda iştirakçılar adları, yaşları, peşələri, əlaqə vasitələri, foto şəklin çəkildiyi yer, işin adı, foto şəkil barədə qısa məlumat təqdim etməlidirlər.
* Müəlliflər təqdim etdikləri fotoların onlara məxsus olduğunu təsdiq etməlidirlər. Münsiflər lazım gəldikdə fotonun ilkin variantını tələb etmək hüququna malikdirlər.
* Təqdim olunan fotoların üzərində heç bir müəllif imzası və ya loqosu yerləşdirmək olmaz.
* Təqdim olunmuş fotolar üzərində heç bir fotoredaktə proqramlarında əlavələr olunmamaq şərti ilə (real rəng, kontrast və s. kimi alətlərdən istifadə olunması mütləqdir).
* Fotolarda əks olunmuş adamların razılığı fotoqrafın üzərinə düşür.
* Fotolar kodlaşdırılaşdırılaraq münsiflər heyətinə anonim təqdim olunacaq.
* Başqa müəllifə aid, internetdən və ya digər mənbələrdən mənimsənilmiş fotolar qəbul edilmir.
* Mənəvi, etik normaları pozan, zorakılığı və insan psixologiyasına mənfi təsir edən digər səhnələri əks etdirən fotolar qəbul edilmir.
* 1 müəllif maksimum 3 foto təqdim edə bilər.
* Mükafata layiq görüləcək fotolar böyük formatda müəllifdən sərgi üçün tələb olunacaq.
Fotolar gazakhyouthcenter@gmail.com email ünvanına məzmun yerində müsabiqə yazılaraq göndərilməlidir.
#QazaxGİKM #AzGF #QazaxGəncləri #Fotomüsabiqə
