İyulun 12-si saat 05:45-də Ermənistan silahlı qüvvələrinin bölmələri Gorus rayonunun Dığ yaşayış məntəqəsi istiqamətində yerləşən mövqelərindən Azərbaycan Ordusunun Laçın rayonunun Zabux yaşayış məntəqəsi istiqamətində yerləşən mövqelərini atıcı silahlardan atəşə tutub.
“Qərb Xəbər” xəbər verir ki, bu barədə Müdafiə Nazirliyindən məlumat verilib. Bölmələrimiz tərəfindən cavab tədbirləri görülüb.
Ermənistan tərəfi iddia edir ki, törətdikləri təxribat nəticəsində bir əsgərləri yaralanıb.
Bu barədə Ermənistan Müdafiə Nazirliyinin mətbuat xidməti məlumat yayıb.
Qeyd olunur ki, hərbi qulluqçunun vəziyyəti qənaətbəxş qiymətləndirilir, həyatı üçün təhlükə yoxdur.
