“Birləşmiş Millətlər Təşkilatının İnsan Hüquqları üzrə Ali Komissarlığından verilən məlumata görə, müharibə başlayandan bəri Ukraynada 7 199 mülki şəxs həlak olub. 11 756 nəfər isə yaralanıb. Mülki itkilərin 697-si 2023-cü ilin yanvarında baş verib”.
“Qərb Xəbər” in xəbərinə görə, bunu Böyük Britaniya Müdafiə Nazirliyi kəşfiyyat məlumatlarına əsasən açıqlayıb.
Qeyd olunub ki, digər müstəqil təhlillərə əsasən Ukraynada 16 mindən çox mülki insan həlak olub: “Bu ilin yanvar ayı ərzində Ukraynanın tibb və təhsil müəssisələrinə əvvəlki aylara nisbətən daha çox ziyan dəyib. İtkilər və insidentlər göstərir ki, Rusiya artilleriya və ağır silahlardan hərbi və mülki şəxs və obyektlər arasında heç bir fərq qoymadan istifadə edir”.
Xatırladaq ki, Rusiya ilə Ukrayna arasında savaş ötən il fevralın 24-də başlayıb.
